[b]حـدتـني الــدنيــا على شــي مـأبــــيه
وسـويـت شي ٍ من سببهـا غصيبه
ماكان ودي بالخطاء يوم انا اخـطــيه
مجبور انا اخطـي واتعمـد واصيبه
ماقد بخلت بشي بالعـــكس انا اعطيه
حتـى ولـو روحـي طلبهـا نصـيـبـه
يضيق صدري لازعل وارجع ارضيه
احـس انا لا ضـاق صـدره مصيبه
من زود حبي له انـا دايـم اطــريـــه
ولو هو طلبني صعب اجيبه اجيبه
كنـت الهنالـه والســعـد يـوم الأقـيــه
افـرح فـرح عاشـق يقـابـل حـبيبـه
ماكنت اصـدق فيـه مهمـا حكوا فيـه
في وسط عيني كـان مهما تـحـكيبه
في حضرته من زود حرصي اداريـه
وفي غيبته ادعي عسـى الله يجـيبه
حبيب قلبي والـعمر كنت انا اوفيـــه
خـان الـوفـاء والحـب الله حـسـيـبـه
واليـوم انـا بعـتـه وقـررت اخـلـيـــه
الخـايـن الـلي بـاعني ويـش ابـيبه
