درجتها بالفكر عيت تسدير
لو القوافي في هجوسي دارجه
فاللي ملك قلبي ولا غيره خشير
المهره اللي عن هوايه مارجه
اخاف لاهملتها عني تنير
صعبه ولاتسرج بيد السارجه
اخف من طير تنحى فالمطير
واثقل من امواج البحر فالبارجه
يفطن لها الاعشى وتذهل للبصير
حتى القمر عيا سماه يخارجه
لو شافها شعر الفرزدق مع جرير
ذابت بيوته وانحت مخارجه
انفاسها تاخذ من انسام الغدير
وكن الزهور بحمر خده هارجه
اليا اقبلت ليلك عبوس قمطرير
وليا ادبرت قلب الضعيف تحارجه
نظراتها سيف مجرد من جفير
واهدابها طعن الرماح الزارجه
مابين طعن الرمح والسيف الشطير
لاسلهمت كن النعاس تدارجه
يالله انا طالبك خاضع مستجير
ياعالم بحالي وهمي فارجه
تكفيني الفتنه ونيران السعير
لاتحرق لقلب همومه عارجه
وسلامة نواظركم
