يــاقـلــــب..
ياقلب لو جار الغضي وأستحسيت
خلك معه ياقلب لو صار ماصار
دامك تحبه وأنت من جد حبيت
إياك وأسلوب التراخي والأعذار
هذا حبيبك وين مارحت وإن جيت
وأنت بمثابة موطنه وأنته الــدار
هذا هناءك وضحكتك لاتبــاكيت
وهذا عضيدك لاغدا الوقت غدار
من يوحشك من يفقدك لاتباطيت
من غيره اللي يسألك وش الأخبار
من غيره اللي يدمحك كان زليت
ومن غيره اللي يأمنك كل الأسرار
اصحى يجي لك يوم وتقول مليت
واصحى غرامه يضمحل سر وإجهار
دامك تحبــه وأنت من جــد حبيـــت
واجب عليك تخصه بحبه ماصار
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
